Në orët e para të mëngjesit të sotëm rreth orës 00:30, një person ka humbur jetën dhe tre të tjerë janë plagosur në një aksident trafiku, në rrugën nacionale Pejë-Prishtinë (fshati Komoran).
Këtë për Klankosova.tv e ka konfirmuar zëdhënësi i policisë, Bajram Krasniqi, i cili tha se në aksident është përfshirë një veturë dhe një kamion.
Njoftimi:
“Rreth orës 00:30, policia është njoftuar për një aksident trafiku të ndodhur në rrugën nacionale Pejë-Prishtinë (fshati Komoran). Në aksident janë përfshirë dy automjete (një veturë dhe një kamion)”.
“Si pasojë e aksidentit një person ka humbur jetën dhe tre të tjerë kanë pësuar lëndime trupore. Njësitet relevante policore janë marrë me aksidentin”, thuhet në konfirmim.
