Ne e dimë që kur blini një palë këpucë, forma e këmbës është e fundit që mendoni, ose më mirë të themi: Nuk e mendoni fare. Mirëpo anatomia luan një rol të rëndësishëm në rehatinë e këpucëve.
Faktori që ndikon është gjatësia e gishtërinjve. Përgjithësisht, tri janë format e këmbëve: egjiptiane, romake dhe greke.
Forma egjiptiane
Karakteristikat: Gishti i madh është më i gjati, ndërsa të tjerët vijnë duke u zvogëluar në gjatësi.
Këpucë më të përshtatshme: këpucët të cilat e kanë pjesën e përparme në formë të rrumbullakët ose pak të zgjatur.
Forma romake
Karakteristikat: Gishti i parë, i dytë dhe i tretë janë në të njëjtën gjatësi, të tjerët jo.
Këpucë më të përshtatshme: këpucët të cilat e kanë pjesën e përparme në formë katrore ose të rrumbullakët.
Forma greke
Karakteristikat: Gishti i dytë i këmbës është më i gjati
Këpucë më të përshtatshme: këpucët të cilat e kanë pjesën e përparme të zgjatur, me majë.
