Protesta e banorëve të Divjakës kundër reformës së re administrative-territoriale ka hyrë në ditën e 37-të, ndërsa qytetarët kanë dalë sërish në rrugë për të kundërshtuar projektin e mazhorancës për shkrirjen e Bashkisë Divjakë. Përmes kësaj qëndrese, komuniteti kërkon anulimin e planit, për të cilin thotë se e lë zonën pa përfaqësim dhe shërbime publike.
Gjatë tubimit në shesh, protestuesit kërkuan përgjegjësi nga deputetët e zonës dhe kryeministri. Ata deklaruan se Divjaka nuk duhet të mbetet pa institucione vendore, duke theksuar se dobësimi i autonomisë së një bashkie me rëndësi të madhe bujqësore dhe turistike do të ndikonte drejtpërdrejt te ekonomia e familjeve dhe perspektiva e zonës.
Të lidhura
None found
Pas fjalimeve, banorët vijuan aksionin me një marshim masiv në rrugët kryesore të qytetit. Me thirrje kundër vendimeve të njëanshme të pushtetit qendror, ata bënë të qartë se protesta do të vazhdojë pa ndërprerje, deri në mbrojtjen e plotë të statusit administrativ të Divjakës.
