Analisti Halil Geci ka reaguar me ironi ndaj deklaratës së Nasim Haradinajt, i cili ka paralajmëruar se “do të digjet flakë Kosova” nëse dënohet “Polari”.
Përmes një shkrimi në rrjetet sociale, Geci e ka cilësuar Haradinajn në mënyrë ironike si “Skënder Begu” i Dukagjinit, duke e vënë në pikëpyetje retorikën e tij kërcënuese.
Të lidhura
None found
“Një këshillë për Nasimin: Nëse s’mundesh ta vësh flakë Kosovën i vetëm, thirre edhe Radojçiqin!”, ka shkruar Geci.
Analisti e ka përmendur më tej Milan Radojçiqin, duke pretenduar se ai do të kishte interes për destabilizimin e Kosovës.
“Mos u ngut, Skënderbeg! Nëse mendon se nuk mund ta bësh i vetëm, thirre edhe Radojçiqin, se ai mezi pret ta kallë e ta destabilizojë Kosovën”, thuhet në reagimin e tij.
Geci ka vijuar me të njëjtën gjuhë ironike, duke deklaruar se, nëse “bashkohen flakët”, Haradinaj dhe Radojçiqi do të shfaqeshin “edhe më të kuqërremtë”.
Reagimin e tij ai e ka përmbyllur me një tjetër metaforë: “Ngase Kosova ka mbetur çakmak në xhepin e Skënderbegut.”
