Erisildo Smaçi pritet të jetë afrimi i radhës për Besëlidhjen. Sipas burimeve të “Newsport.al”, mesfushori 28-vjeçar do t’i bashkohet skuadrës lezhjane nesër në Pogradec, ku ekipi po kryen përgatitjet.
Të lidhura
None found
Ky është përforcimi i dytë i Besëlidhjes brenda pak ditësh, pas marrëveshjes së arritur me sulmuesin Festim Alidema. Me Smaçin në dispozicion, trajneri Elvis Plori fiton një alternativë të rëndësishme në mesfushë, pasi lojtari pritet të sjellë përvojë dhe ekuilibër në këtë repart.
Smaçi e ka nisur rrugëtimin e tij futbollistik në Lezhë, te Brians. Gjatë karrierës, 28-vjeçari ka luajtur gjithashtu për Partizani U19, Laçi, Shënkolli, Apolonia, Dinamo, Bnei Yehuda në Izrael, Tirana, Drenica dhe Prishtina e Re.
