Kim Min-jae është përfshirë në listën e futbollistëve që Manchester United po shqyrton për të përforcuar repartin defensiv.
Gazetari Christian Falk raporton se klubi anglez po e ndjek me vëmendje situatën e mbrojtësit te Bayern Munich, pasi interesohet për një transferim të mundshëm të tij.
Të lidhura
None found
Megjithatë, vetë lojtari nuk duket se po mendon të largohet. Kim synon të vazhdojë aventurën në Bavari dhe të konkurrojë për një vend në formacionin bazë, pavarësisht rivalitetit të fortë në qendër të mbrojtjes.
As Bayern Munich nuk e ka bërë shitjen e tij një objektiv të domosdoshëm. Gjigantët gjermanë e shohin futbollistin koreano-jugor si një alternativë të vlefshme për skuadrën dhe janë të gatshëm ta mbajnë në radhët e tyre.
Manchester United do ta vijojë monitorimin e situatës, por në këtë moment kalimi i Kim në Old Trafford konsiderohet një skenar i vështirë.
Sipas të dhënave të platformës së specializuar Transfermarkt, mbrojtësi 29-vjeçar vlerësohet aktualisht 20 milionë euro.
