Ardit Deliu është zyrtarisht futbollisti më i ri i Elbasanit. Mesfushori i është bashkuar skuadrës verdheblu pas largimit nga Ballkani.
Klubi e konfirmoi transferimin në faqen e tij zyrtare në rrjetet sociale, ku publikoi edhe një fotografi të 28-vjeçarit me fanellën e re. Superliga është një kampionat i njohur për Deliun, i cili më herët ka përfaqësuar Laçin, Vllazninë dhe Tiranën.
Të lidhura
None found
Në karrierën e tij, mesfushori ka luajtur gjithashtu në Kroaci me RNK Split dhe ekipin e dytë të Hajduk Split, si edhe në Letoni me Liepaja. Tashmë ai është vënë nën urdhrat e Elbasanit dhe po përgatitet për sfidën e ardhshme me ngjyrat verdheblu.
