Afati për aplikim për subvencionimin e teksteve mësimore dhe materialeve shkollore përfundon nesër, ndaj Ministria e Arsimit u ka kërkuar prindërve dhe kujdestarëve ligjorë që të shfrytëzojnë kohën e mbetur.
Drejtorja e Departamentit për Arsim Parauniversitar në Ministrinë e Arsimit, Anita Kadriu, bëri të ditur se deri më sot në platformën eKosova kanë aplikuar gjithsej 179 mijë prindër.
Të lidhura
None found
Fillimisht ishte parashikuar që aplikimet të mbylleshin më 9 gusht, por Ministria e Arsimit e zgjati afatin deri nesër për shkak të interesimit dhe kërkesave të prindërve që nuk kishin mundur të aplikonin në kohë.
Kadriu tha se shtyrja u bë për t’u dhënë mundësi të gjithë prindërve që ta përfundojnë aplikimin.
