Tre emigrantë të paligjshëm, shtetas të Sudanit, u zbuluan nga Drejtoria e Doganave gjatë kontrollit të një kamioni në Kompleksin Doganor në Shkup. Automjeti transportonte mallra të paraqitura për zhdoganim importi.
Të lidhura
None found
Sipas njoftimit të Doganave, emigrantët u gjetën nga doganierët e Doganës Shkup 1, pasi ata kryen një verifikim të hollësishëm të ngarkesës së deklaruar.
Mallrat me prejardhje nga Kina ishin ngarkuar në portin e Selanikut, ndërsa më pas kamioni ishte mbyllur me vulë greke. Tre shtetasit sudanezë kishin këputur kabllon në pjesën e përparme të ngarkesës dhe ishin futur mes kutive për t’u fshehur.
Doganat bëjnë të ditur se ky është rasti i katërt i zbulimit të emigrantëve të paligjshëm gjatë tre muajve të fundit. Personat e gjetur iu dorëzuan Ministrisë së Brendshme./Telegrafi/
