Donika Gërvalla, deputete e grupit parlamentar të Lëvizjes Vetëvendosje, deklaroi se vazhdimi i seancës konstituive do të thirret vetëm pasi të arrihet një marrëveshje politike.
Të lidhura
None found
Teksa po fliste para mediave, Gërvalla u ndërpre nga deputetë të opozitës, të cilët kërkonin: “Thirreni seancën”.
“Seanca do të thirret në momentin që kemi një marrëveshje…”, u shpreh Gërvalla.
Gjatë përballjes me deputeten e PDK-së, Blerta Deliu Kodra, Gërvalla e pyeti atë përse nuk merr pjesë në takimin për arritjen e një marrëveshjeje politike. Deliu Kodra iu përgjigj duke i kujtuar se thirrja e seancës konstituive përbën detyrim kushtetues.
“Pse nuk vjen në takim?”, pyeti Gërvalla.
“E ke detyrim me thirrë seancën, thirre seancën, thirre seancën”, deklaroi Deliu Kodra.
