Mëngjesin e sotëm 9 gusht 2026, një ngjarje tragjike ka ndodhur në Ksamil, ku një vajzë 4-vjeçare ka humbur jetën, pasi është goditur aksidentalisht nga automjeti i drejtuar nga babai i saj.
Ngjarja ka ndodhur në një parkim privat. Sipas të dhënave paraprake, gjatë një manovre me automjetin tip “Audi”, me targa CS 440 PP, shtetasi Ergys Marku ka goditur vajzën e tij, Ajla Marku, 4-vjeçe.
Të lidhura
None found
Pavarësisht ndërhyrjes, fëmija nuk ka mundur të mbijetojë dhe ka ndërruar jetë si pasojë e plagëve të marra.
Policia e Sarandës, ka nisur hetimet për zbardhjen e plotë të rrethanave të ngjarjes dhe dokumentimin e saj.
