Real Madridi është renditur mes klubeve më aktive në afatin kalimtar veror, duke realizuar disa transferime dhe njëkohësisht duke shitur lojtarë.
Të lidhura
None found
Pas afrimit të gjashtë emrave të rinj, Los Blancos janë pranë përfundimit të përforcimeve. Vëmendja e klubit tashmë është përqendruar te largimi i futbollistëve të ekipit të parë që nuk bëjnë pjesë në planet e Jose Mourinhos.
Gazeta Marca raporton se Mourinho, së bashku me drejtuesit e Real Madridit, ka përcaktuar katër lojtarë që mund të shiten: Raul Asencio, Eduardo Camavinga, Endrick dhe Thiago Pitarch.
Pitarch mund të jetë lojtari i radhës që largohet, pasi për të ka shfaqur interes Fulham, skuadër që drejtohet nga ish-trajneri i Real Madridit, Alvaro Arbeloa.
Ndërkohë, shitja e Camavingas dhe Asencios po has vështirësi, sepse të dy janë të vendosur të qëndrojnë në klub dhe të konkurrojnë për vendet e tyre në formacion.
Pas mbërritjes së Carlo Espit, Endrick ka zbritur në hierarkinë e sulmuesve dhe mund të largohet sërish në formë huazimi.
