Besfort Lamallari, ministër i Brendshëm i Shqipërisë, deklaroi se Valon Bela dhe Bekir Halimi, dy shtetas nga Maqedonia e Veriut, u shpallën persona të padëshiruar për 10 vjet me një vendim të marrë më 17 korrik. Sipas tij, kjo masë synon mbrojtjen e interesit kombëtar.
Të lidhura
None found
Gjatë një interviste në emisionin “Tirana Live” të ABC News, Lamallari sqaroi se vendimmarrja u mbështet në informacionet e mbledhura dhe në konsultimet e zhvilluara me agjencitë e sigurisë.
Ministri nënvizoi se autoritetet shqiptare nuk do të tolerojnë agjenda apo nxitje për dhunë që rrezikojnë sigurinë e vendit. Ai shtoi se Policia e Shtetit vijon angazhimin për ruajtjen e rendit dhe garantimin e sigurisë publike.
Lamallari theksoi se, ndërsa Shqipëria i afrohet gjithnjë e më shumë familjes europiane, duhet të veprojë si një shtet anëtar, duke ndërmarrë çdo masë të nevojshme për sigurinë kombëtare dhe duke penguar ndërhyrjen e agjendave të dëmshme për Shqipërinë, rajonin dhe më gjerë.
