Në harkun e 24 orëve, Qendra Emergjente e Qendrës Klinike Universitare të Kosovës (QKUK) ka ofruar 317 shërbime mjekësore për pacientët që kanë pasur nevojë për ndihmë urgjente.
Të lidhura
None found
Të dhënat e QKUK-së tregojnë se në Reanimim janë trajtuar 94 pacientë, në Emergjencën Internistike 87, ndërsa në Emergjencën Kirurgjike dhe atë Ortopedike janë ofruar shërbime për nga 56 pacientë.
Në Sallën e Vogël kanë marrë trajtim 24 pacientë, ku janë realizuar qepje, përpunime dhe pastrime të plagëve.
Gjatë së njëjtës periudhë, në Qendrën Emergjente janë trajtuar tetë persona të përfshirë në përleshje fizike, si dhe 30 të lënduar në aksidente trafiku.
Për vazhdimin e trajtimit, 28 pacientë janë pranuar në klinika të ndryshme të QKUK-së. Në bilancin e 24 orëve janë evidentuar gjithashtu dy raste vdekjeje.
