Jose Felix Diaz, gazetar i AS, ka raportuar se Rodri e ka njoftuar zyrtarisht Real Madridin për vendimin e tij për t’iu bashkuar Barcelonës.
Të lidhura
None found
Mesfushori i Manchester Cityt nuk e ka pranuar ofertën financiare të klubit madrilen, duke vendosur t’i besojë projektit sportiv të skuadrës katalanase.
Vendimi i spanjollit është pritur me respekt nga drejtuesit e Real Madridit, të cilët kanë vlerësuar shpjegimet e tij dhe i kanë uruar suksese. Në Valdebebas, kjo nuk është konsideruar si goditje apo dështim për klubin.
Rodri ka bërë të ditur se zgjedhjen e tij e kanë ndikuar tri elemente: mënyra e lojës së Barcelonës, trashëgimia e Pep Guardiolës dhe raportet e afërta me bashkëlojtarët e tij te Kombëtarja e Spanjës.
Real Madridi kishte zhvilluar vetëm kontakte të para me Manchester Cityn për situatën e Rodrit. Megjithatë, para vendimit përfundimtar të futbollistit, klubet nuk kishin nisur negociata zyrtare për vlerën e transferimit.
