Ish-presidentja e Kosovës dhe deputetja e legjislaturës së re të Kuvendit të Kosovës, Vjosa Osmani, deklaroi se betimi i bërë sot përfaqëson vijimësinë e zotimit për t’i shërbyer vendit dhe qytetarëve me dinjitet, guxim e përkushtim.
Të lidhura
None found
Në një postim në Facebook, Osmani u shpreh se deputetët po rikthehen në tempullin e demokracisë, aty ku çdo mandat buron nga qytetarët dhe shoqërohet me përgjegjësinë për t’i shërbyer Republikës.
“Po rikthehemi aty ku çdo mandat e ka burimin: te tempulli i demokracisë dhe i qytetarëve dhe te përgjegjësia për t’i shërbyer Republikës.
Betimi i sotëm është vazhdim i të njëjtit zotim: për t’i shërbyer Kosovës dhe të gjithë qytetarëve tanë me dinjitet, guxim dhe përkushtim”, ka shkruar ajo.
