Kryeministri Hristijan Mickoski zhvilloi pasditen e sotme në Ohër një takim kokë më kokë me homologun e tij serb, Gjuro Macut.
Të lidhura
None found
Pas takimit, Mickoski njoftoi në Facebook se gjatë një bisede të sinqertë dhe konstruktive ishin diskutuar sfidat me të cilat përballet aktualisht rajoni, mundësitë për zgjerimin e bashkëpunimit dypalësh, raportet ekonomike, ndërlidhja infrastrukturore dhe nismat e përbashkëta që synojnë më shumë zhvillim dhe mirëqenie për të dyja vendet.
Sipas Mickoskit, palët rikonfirmuan angazhimin e përbashkët për avancimin e mëtejshëm të marrëdhënieve miqësore, të mbështetura në respektin reciprok, fqinjësinë e mirë dhe interesin e përbashkët për një rajon me stabilitet dhe prosperitet.
Kryeministri i Serbisë u prit në aeroportin e Ohrit nga ministri i Punëve të Jashtme, Timço Mucunski.
