Shqipe Pantina, delegate në Kuvendin e Lidhjes Demokratike të Kosovës, ka thënë se vazhdimi i Lumir Abdixhikut në postin e kryetarit të LDK-së dëshmon se demokracia ka fituar.
Të lidhura
None found
Sipas saj, Abdixhiku mori 170 vota pro, ndërsa 152 delegatë votuan kundër dhe pesë abstenuan.
“Rezultati është se Abdixhiku vazhdon të mbes kryetar. Shpresoj se tash do të folet për përpara. 170 për, 152 kundër dhe pesë abstenime. Demokracia ka fituar. Unë i respektoj vendimet e shumicës. Nuk ka rëndësi a pajtohem unë apo jo, ka folur shumica. Sot vota ka qenë demokratike”, deklaroi Pantina.
Ndërkohë, vazhdimi i punimeve të Kuvendit të LDK-së parashikohet pas 30 minutash, teksa kryesia është duke shqyrtuar aktualisht çështjet e rendit të ditës.
