Aktori i njohur Orlando Bloom dhe partnerja e tij, modelja 28-vjeçare Luisa Lemel, janë kapur nga paparacët teksa shijonin momente të qeta pranë një plazhi italian, duke u dukur shumë të relaksuar dhe të dashuruar.
Ylli i Hollivudit dhe fytyra e njohur e Calvin Klein u takuan vitin e kaluar, pasi Bloom i dha fund marrëdhënies me këngëtaren Katy Perry, dhe që atëherë ata duket se po e përforcojnë lidhjen e tyre. Për shkak të planeve të ngjeshura profesionale, dyshja shpesh zgjedh t’i shfrytëzojë rastet për pushime të shkurtra e të përbashkëta.
Të lidhura
None found
Vendndalimi i radhës rezultoi Forte dei Marmi, një zonë bregdetare në provincën e Lucca-s në Toskanë, e njohur si një pikë takimi e preferuar për personalitetet e njohura gjatë sezonit veror.
Fotot e publikuara nga mediat rozë i shfaqin dyshen teksa lundrojnë në ujë dhe shkëmbejnë momente plot gaz. Në disa prej tyre, Lemel duket duke e provokuar me humor aktorin dhe duke e shtyrë në det, ndërkohë që të dy ia plasin të qeshurës.
Këto pushime në Itali përkojnë me një periudhë ku raporti mes tyre duket mjaft i qëndrueshëm, ndërsa çifti po shfaqet gjithnjë e më shpesh i përbashkët në udhëtime të ndryshme dhe evente publike.
