Një zjarr i madh pyjor ka shpërthyer në jug të Turqisë, në provincën e Antalias, duke u përhapur me shpejtësi për shkak të erërave të fuqishme që përshkojnë zonën.
Vatra e flakëve u shfaq në rrethinën e Kasit, dhe autoritetet kanë mobilizuar një operacion të shkallës së gjerë që përfshin ndërhyrje ajrore dhe tokësore për të frenuar avancimin e zjarrit.
Të lidhura
None found
Siç raportojnë mediat turke, në frontin e luftës ndaj flakëve janë angazhuar 6 helikopterë, 3 avionë të specializuar për shuarjen e zjarreve, 14 mjete zjarrfikëse, 5 automjete cisternë për transport uji, 2 njësi të ndërhyrjes së shpejtë dhe një ekip prej 135 punonjësish të shërbimit pyjor.
Megjithë përpjekjet masive për frenimin e flakëve, era mbetet një faktor kyç që pengon operacionin dhe favorizon zgjerimin e zjarrit. Forcat e angazhuara janë në gjendje gatishmërie të plotë, duke vazhduar punën për vendosjen e situatës nën kontroll.
