Këtë të mërkurë, një ngjarje e rëndë rrugore tronditi Tiranën, teksa një betoniere u përplas me një makinë në rrethrrotullimin e Unazës së Madhe, në afërsi të TEG-ut. Pas ndeshjes së fuqishme, mjeti i rëndë humbi kontrollin, doli nga rrethrrotullimi dhe ra mbi një automjet tjetër që ndodhej në rrugën poshtë, duke shkaktuar vdekjen e një njeriu dhe plagosjen e dy të tjerëve.
Rreth tre vite më parë, e njëjta zonë ishte skenë e një tjetër tragjedie rrugore, që u mori jetën dy të rejave dhe la katër persona me lëndime. Në atë rast, një automjet i markës “Audi” depërtoi barrierat anësore dhe u rrëzua nga mbikalimi, duke goditur një makinë tip “Honda” që lëvizte poshtë.
Të lidhura
None found
Dy vajzat që gjendeshin në “Audi” nuk mbijetuan, ndërsa drejtuesi i këtij mjeti pësoi plagë të rënda. Gjithashtu, tre pasagjerët e “Honda”-s u dëmtuan në përplasjen e dyfishtë.
Aksidentet rrugore vazhdojnë të mbeten një sfidë shqetësuese për vendin, duke theksuar nevojën për masa më efektive parandaluese.
