Gjatë seancës në Komisionin për Nismat Qytetare, Bashkëpunimin dhe Mbikëqyrjen Institucionale, deputeti Ivi Kaso kërkoi nga Prokuroria e Posaçme (SPAK) publikimin e emrave të zyrtarëve të lartë që, sipas tij, janë takuar në ishullin Aruba me anëtarë të grupeve kriminale.
Në përgjigje, kreu i SPAK, Klodian Braho, theksoi se dosja në fjalë është aktualisht nën shqyrtim dhe nuk mund të lihet pas dore. Ai siguroi se pas përfundimit të hetimeve, institucioni do të sigurojë transparencë të detajuar mbi çështjen.
Të lidhura
None found
“Çështja është në fazë hetimi. SPAK nuk mund të ketë një provë në dosje dhe ta lërë atë të fjetur, pa e hetuar. Kur hetimet të kenë përfunduar, ne do të ofrojmë transparencë. Ne nuk angazhohemi në debate politike nga asnjëra palë”, deklaroi Braho, duke iu përgjigjur pyetjes së deputetit Kaso, i cili përmendi edhe detajin se takimet mund të kenë ndodhur në janar, me ose pa lejen e kryeministrit.
