TIRANË – Në ditën e 40-të të tubimeve kundër qeverisë së Edi Ramës, protestuesit kanë vazhduar marshimin e tyre në arteriet kryesore të kryeqytetit.
Dhjetëra qytetarë i janë bashkuar lëvizjes dhe kanë dalë sërish në rrugët e Tiranës, duke ngritur thirrje kundër qeverisë.
Të lidhura
None found
Me pankarta në duar, me flamengot si simbol të protestës dhe me mesazhet që tashmë janë shndërruar në shenjë dalluese të kësaj lëvizjeje qytetare, pjesëmarrësit kanë përcjellë kërkesat e tyre për ndryshim, transparencë dhe përgjegjshmëri.
Mesazhet e tyre janë dëgjuar në disa prej pikave më të rëndësishme të qytetit, ndërsa organizatorët dhe protestuesit kanë theksuar se qëndrimi do të vijojë edhe në ditët në vijim.
Marshimi i sotëm bën pjesë në valën e protestave të zhvilluara gjatë javëve të fundit, ku qytetarë dhe mbështetës të opozitës kanë shprehur kundërshtimin e tyre ndaj qeverisë dhe gjendjes politike në vend.
