Ministria e Mbrojtjes e Kosovës ka njoftuar se drejtori për Bashkëpunim Ndërkombëtar, koloneli Ahmet Ajeti, mori pjesë në Konferencën “Herzliya” në Izrael, ku zhvilloi edhe takime me disa politikbërës izraelitë.
Të lidhura
None found
Sipas ministrisë, kjo vizitë u zhvillua me koordinimin dhe mbështetjen e Ambasadës së Republikës së Kosovës në Izrael, me synimin për të avancuar bashkëpunimin, në veçanti në sektorin e mbrojtjes.
Në njoftim thuhet se, krahas pjesëmarrjes në Konferencën e Herclijas (Herzliya Conference), kolonel Ahmet Ajeti u takua edhe me drejtorin ekzekutiv të Institutit për Politika dhe Strategji, gjeneralmajorin në pension Amos Gilead.
Po ashtu, kolonel Ajeti vizitoi edhe Parlamentin e Izraelit, ku pati një takim me kryetarin e Komisionit Parlamentar për Politikë të Jashtme dhe Mbrojtje, Boaz Bismuth. Në këto takime, sipas njoftimit, u vu në pah nevoja për forcimin e bashkëpunimit dhe adresimin e sfidave të sigurisë.
