Para ndeshjes së rëndësishme me Portugalinë në fazën e 1/16 së finales së Kampionatit Botëror, te Kombëtarja e Spanjës kanë ardhur lajme inkurajuese.
Të lidhura
None found
Mundo Deportivo raporton se në seancën stërvitore të zhvilluar sot, Lamine Yamal, Pedro Porro dhe Aymeric Laporte nuk u bashkuan me grupin, por zhvilluan vetëm punë rikuperuese në palestër.
Megjithatë, gjendja e tyre fizike nuk konsiderohet shqetësuese dhe të tre pritet të jenë të gatshëm për përballjen ndaj Portugalisë.
Sipas të njëjtit raportim, edhe Dani Olmo është përgatitur veçmas nga pjesa tjetër e ekipit, por edhe ai do të jetë në dispozicion të trajnerit për këtë sfidë të shumëpritur.
Spanja mbërrin në këtë duel pas një fitoreje bindëse në raundin e kaluar, aty ku triumfoi ndaj Austrisë me shifrat 3-0 dhe vulosi kalimin në fazën pasuese të turneut.
Tashmë, La Roja kërkon të ecë më tej në Botëror, ndërsa ndeshja kundër Portugalisë parashikohet të jetë një nga përballjet më tërheqëse të kësaj faze të kompeticionit./
