Tirana ka afruar në stafin e saj teknik Bojan Markoskin. 42-vjeçari nga Maqedonia e Veriut do të jetë zëvendëstrajneri i skuadrës bardheblu në Superiore, duke marrë rolin e ndihmësit të Dean Klafuric.
Njoftimi është bërë nga vetë klubi kryeqytetas, i cili shkruan mes të tjerash: “KF Tirana mirëpret Bojan Markoski në stafin teknik si zëvendëstrajner. I urojmë Bojan Markoskit mirëseardhje dhe shumë suksese në këtë kapitull të ri me fanellën bardheblu”.
Të lidhura
None found
Markoski e ka nisur rrugëtimin e tij në pankinë te Ethnikos në Greqi. Më pas ai ka qenë pjesë e AEL Limassol, Rabotnicki dhe së fundmi EN Paralimni, ndërsa tashmë bëhet gati të përjetojë eksperiencën e tij të parë në Shqipëri.
