Pas përplasjeve me policinë përpara Kuvendit, protesta e qytetarëve ka hyrë në kulmin e tensionit.
Menjëherë pasi disa qytetarë u shoqëruan nga forcat blu, protestuesit u drejtuan te Drejtoria e Policisë, ku kërkuan lirimin e tyre.
Të lidhura
None found
Më herët gjatë kësaj dite, policia vuri në pranga aktivistin Dritan Goxhaj, si edhe protestues të tjerë.
Në pamjet e transmetuara nga Ora News u pa edhe një prej të shoqëruarve duke u tërhequr zvarrë, çka ka shtuar më tej acarimin e turmës.
Protestuesit deklaruan për mediat se tubimi i njoftuar, si çdo ditë, në orën 19:00, ka nisur në këto momente.
Aktualisht, turma po vijon qëndresën përpara Drejtorisë së Policisë, ndërsa shfaqet e revoltuar pas përplasjeve të mëparshme me efektivët.
