Në protestën e 26-të masive, ku mijëra qytetarë kërkojnë largimin e kryeministrit Edi Rama, gazetari Marsel Rupi ndezi atmosferën në shesh me deklaratën se protesta nuk mund të ndalet, pavarësisht përpjekjeve të patronazhistëve.
Ai theksoi gjithashtu se diaspora do të rikthehet sërish në shesh dhe bëri thirrje që edhe më shumë shqiptarë t’i bashkohen tubimit, duke paralajmëruar se vendi po shkon drejt shpopullimit.
Të lidhura
None found
“Mirëmbrëma shqiptarë të lirë e të ndershëm. Mirëmbrëma patronazhistë, dhe na e bëni hallall që jua thyem algoritmin. Me gjithë kërcënimet, nuk arrini të merrni dot like dhe views, sepse ato nuk janë të blera. Mirëmbrëma diaspora, këta harrojnë se kur preket diaspora, shqiptarët ngrihen në këmbë. Diaspora do të niset sërish dhe do të jetë këtu. Ata fluturojnë me shpirt këtu.
Nëse sot nuk dalim në rrugë, nesër nuk do të kemi më kë të shohim as majtas, as djathtas, sepse nuk do të ketë mbetur njeri, do të jenë larguar! Nesër më shumë! Rroftë Shqipëria e lirë dhe e ndershme”, u shpreh ai.
