Presidenti i ShBA-ve, Donald Trump, ka vënë në dukje shifrat rekord që po shoqërojnë Kupën e Botës 2026, turne që aktualisht po zhvillohet me bashkëorganizim nga Shtetet e Bashkuara, Kanadaja dhe Meksika.
Trump është shprehur i kënaqur si me faktin që vendi i tij po e pret Kupën e Botës 2026, ashtu edhe me rekordet që po regjistrohen në këtë nisje të Kampionatit Botëror.
Të lidhura
None found
“Siç e dini, gjatë disa javëve të fundit, Amerika ka qenë me krenari pritëse e Kupës së Botës 2026. Dhe po vendos rekorde pjesëmarrjeje dhe rekorde televizive si kurrë më parë. Kush do ta kishte menduar se kjo do të ndodhte! Ata thonë se nuk është sporti ynë kryesor, por po ndodh”, ka thënë fillimisht Trump.
“Dua ta përgëzoj mikun tim – Presidentin e FIFA-s, Gianni Infantino. Është fantastike të punosh me të. Ai është shumë i lumtur; gjithçka është një rekord, është sikur të kesh Super Bowl çdo ditë”.
“Dhe e di që të gjithë bashkohen me mua duke i uruar ekipit të SHBA-së fat të mbarë në ndeshjen e tyre kundër Turqisë në Los Angeles. Ata po luajnë shkëlqyeshëm”, përfundoi presidenti i ShBA-ve.
