Paris Saint-Germain po vlerëson mundësinë për të afruar në verë mesfushorin e Juventusit, Khephren Thuram, sipas raportimeve të mediave italiane.
La Gazzetta dello Sport shkruan se emri i futbollistit francez është diskutuar gjatë kontakteve mes Juventusit dhe PSG-së në lidhje me transferimin e sulmuesit Randal Kolo Muani.
Të lidhura
None found
Juventusi është i hapur të marrë në shqyrtim oferta për Thuram, pasi klubi synon të vendosë në ekuilibër financat dhe të krijojë mundësi për të financuar afrime të reja gjatë afatit kalimtar.
Edhe pse 24-vjeçari ndiqet me interes edhe nga skuadra të Ligës Premier, ai besohet se e sheh një rikthim në Ligue 1 si alternativën e preferuar dhe e konsideron PSG-në vendin e duhur për vijimin e rritjes në karrierë.
Në rast se marrëveshja finalizohet, Thuram do të gjendej përballë një rivaliteti të madh në mesfushën e PSG-së, aty ku aktualisht bëjnë pjesë lojtarë si Vitinha, Joao Neves, Fabian Ruiz, Desire Doue dhe Warren Zaire-Emery.
Khephren Thuram u transferua te Juventusi nga Nice dhe është shndërruar në një prej elementëve më të dalluar të ekipit torinez, duke zgjuar interesin e disa prej klubeve më të mëdha në Evropë.
