Protesta e paralajmëruar për të dielën, e cila parashikonte bllokimin e tre pikave kufitare mes Bullgarisë dhe Maqedonisë së Veriut, është pezulluar për momentin.
Lajmin e bëri të ditur për “BTA” Viktor Stojanov, kryetar i fondacionit bullgar “Maqedonia”. Ai sqaroi se ky vendim erdhi pas konsultimeve me përfaqësues të Ministrisë bullgare të Punëve të Jashtme, si edhe me ambasadorin bullgar në Maqedoni.
Të lidhura
None found
Siç tha Stojanov, fondacioni ka vepruar tradicionalisht në bashkërendim me institucionet bullgare, dhe pikërisht kjo qasje ka çuar në përfundimin se, në këtë moment, veprime të tilla proteste, përfshirë edhe një bllokim të përkohshëm të kufirit, do të rezultonin kundërproduktive.
Ai nënvizoi gjithashtu se synimi i nismës është t’u japë qytetarëve mundësinë të shprehin qëndrimet e tyre për çështjet që kanë të bëjnë me marrëdhëniet me Maqedoninë dhe me situatën e bullgarëve në vend. Megjithatë, u vlerësua se një formë e tillë presioni mund të prodhojë tensione shtesë dhe njëkohësisht të kërkojë angazhimin e burimeve të konsiderueshme administrative dhe policore./Telegrafi/
