Pasditen e sotme, Elbasani, Vllaznia dhe Dinamo City, tre skuadrat shqiptare të angazhuara në UEFA Conference League, mësuan rivalët që do të kenë përballë në raundin e parë të këtij turneu.
Në shortin e zhvilluar në Nion të Zvicrës, Elbasani, si nënkampion i Shqipërisë, u vu përballë bjellorusëve të BATE. Dinamo City do të ndeshet me Astanën, ndërsa Vllaznia do të masë forcat me Malishevën.
Të lidhura
None found
Të tre ekipet shqiptare do ta nisin rrugëtimin me ndeshjen e parë në fushën e tyre, ndërsa përballjet e kthimit do t’i luajnë jashtë. Takimet e para të turit të parë kualifikues janë planifikuar për më 9 korrik, ndërsa sfidat e kthimit do të zhvillohen një javë më pas, më 16 korrik.
