Kush e dhunoi ish-kryetarin e PD-së në Lezhë, sekuestrohen kamerat e sigurisë

Policia e Lezhës, ka reaguar lidhur me ngjarjen e ndodhur mbrëmjen e kaluar në autostradën “Mamurras–Laç”, pranë kryqëzimit të Sanxhakut, ku ish-kryetari i Partisë Demokratike në njësinë administrative Dajç, në Zadrimë, Sokol Toma, u dhunua nga disa persona.

Sipas njoftimit zyrtar, 53-vjeçari është goditur me sende të forta nga disa persona, duke pësuar dëmtime në trup.

Të lidhura

Dhuna ndaj ish-kryetarit të PD në Lezhë, reagon Ministria e Shëndetësisë: Ka dëmtime në këmbë dhe në vesh, është në gjendje të stabilizuar

Dhunohet rëndë ish-kryetari i PD-së në Lezhë, autorët e maskuar e goditën me sende të forta

Nga dënimi me kërkesë të SPAK, te ndërtimi i kullës në Shëngjin, kush është Sokol Toma që u dhunua barbarisht mbrëmë? Policia e shpalli në kërkim pas vdekjes së punëtorit

Uniformat blu njoftojnë se janë sekuestruar pamjet filmike të kamerave të sigurisë, ndërsa po kryhen veprimet hetimore për identifikimin dhe kapjen e autorëve.

Njoftimi i Policisë:

“Në lidhje me ngjarjen e ndodhur rreth orës 22:00 të datës 09.05.2026, në autostradën “Mamurras–Laç”, në afërsi të kryqëzimit të Sanxhakut, ku shtetas ende të paidentifikuar, kanë goditur me sende të forta, shtetasin S. T., 53-vjeç, banues në Lezhë, të cilit i kanë shkaktuar dëmtime në trup, sqarojmë se:

Menjëherë pas njoftimit, kanë shkuar në vendngjarje shërbimet e Policisë dhe grupi hetimor. Grupi hetimor, në drejtimin e Prokurorisë, po vijon veprimet intensive, ka sekuestruar pamjet filmike të kamerave në një territor të gjerë, dhe po kryen një sërë veprimesh të tjera hetimore me qëllim zbardhjen e rrethanave, identifikimin dhe kapjen e autorëve”,– thuhet në njoftimin e Policisë.