Këtë të mërkurë, kryeministri i vendit Edi Rama, mblodhi në selinë e PS deputetët e qarkut të Tiranës.
Në mbledhjen që ka zgjatur rreth një orë, raportohet se në kanë qenë edhe përfaqësues të Bashkisë së Tiranës.
Mësohet se mbledhja ka pasur në qendër të diskutimeve organizimin e partisë dhe koordinimi i punës mes deputeteve dhe përfaqësuesve te bashkisë.
Po ashtu, vëmendje ka qenë e fokusuar edhe tek zgjidhjet e çështjeve qe duhen adresuar ne Tirane.
Nga ana e kryeministrit Rama, është kërkuar angazhim për takimet me qytetaret, anëtarësinë dhe simpatizantët e PS.
Pas përfundimit të mbledhjes, kryeministri Rama, është parë të dalë nën shoqërinë e Blerina Gjylametit, e cila pak kohë më parë mori drejtimin e Autoritetit Kombëtar të Ushqimit.
Rama dhe Gjylameti kanë bërë një pjesë të rrugës në këmbë, ku për disa momente janë ndalur dhe kanë biseduar.
Kujtojmë se ditën e djeshme, Rama zhvilloi një takim me Kryesinë e Partisë Socialiste.
