Ish-banorja e “Big Brother Vip Albania 3”, Heidi Baci, është rikthyer në Shqipëri për të jetuar, ku edhe po vazhdon karrierën në rolin e prezantueses.
Bukuroshja, e cila mori pjesë në Big “BVA 3”, është shumë e komentuar.
Këtë herë në “Mos i bjer me top” , ka folur për eksperiencën e re si moderatore e ‘Fan Club’.
Ndër të tjera, u pyet edhe për jetën private, meqë në BBVA 3 nisi një romancë me Romeo Veshajn, që vazhdoi për disa muaj.
Ajo ka qenë e paqartë kur u pyet për statusin, por theksoi që është e lumtur.
“Nuk kam një përgjigje për statusin tim. Po sot jam mirë, me veten time me familjen, mendoj që shëndeti është gjëja më e rëndësishme. Unë deri sa të jem e shëndetshme me të gjitha, unë do të jem gjithmonë të lumtur”, u shpreh ajo.
Mes të tjerash shtoi: “Është Zoti që përcakton riskun tonë”.
