Një grua është duke u proceduar në gjendje të lirë, pasi akuzohet për ushtrim dhune ndaj një fëmije.
Sipas njoftimit të policisë, nëna e fëmijës me iniciale J.M, 55-vjeçare ka denoncuar edukatoren e kopshtit M.Ll, 55 vjeçe, pasi kjo e fundit dyshohet të ketë goditur të miturin me pëllëmbë.
Ndërsa, policia është duke punuar për zbardhjen e plotë të rrethanave.
Njoftimi i policisë:
Specialistët për Hetimin e Krimeve të Komisariatit të Policisë Nr. 4 referuan materialet në Prokurori ku nisi procedimi në gjendje të lirë për shtetasen M. Ll., 55 vjeçe (edukatore), pasi ka kallëzuar shtetasja J. M., se 55-vjeçarja ka qëlluar me pëllëmbë fëmijën e saj.
