Aksident në Korçë, makina përplaset me motorin, një i lënduar

Një aksident ka ndodhur vetëm pak minuta më parë në lagjen nr. 16 në Korçë.

Sipas informacioneve paraprake bëhet e ditur se në aksident janë përfshirë një mjet dhe një motor drejtuesi i të cilit ka mbetur i lënduar.

Raportohet se i dëmtuari është dërguar në spitalin rajonal të Korçës dhe sipas bluzave të bardha ndodhet jashtë rrezikut për jetën.

Ndërkohë policia është duke sqaruar rrethanat e aksidentit.