OKB-ja ka paralajmëruar se deri në vitin 2100, popullsia e Ukrainës mund të bjerë në 15.3 milionë, duke dëshmuar një rënie prej më shumë se 50%.
Sipas Departamentit të Çështjeve Ekonomike dhe Sociale të OKB-së, popullsia e Ukrainës ishte zyrtarisht 37.4 milionë në janar të këtij viti dhe pritet të rritet në 39.7 milionë deri në vitin 2026. Pas kësaj, ajo do të fillojë një rënie të madhe, duke rënë në 15.3 milionë deri në fund të shekullit.
Oleksandr Hladun, zëvendësdrejtor i Institutit të Demografisë së Ukrainës, pranoi se parashikimi është shumë pesimist.
Ai shpjegoi gjithashtu se parashikimet kategorizohen sipas periudhës kohore që mbulojnë dhe ndahen në afatshkurtra (2-5 vjet), afatmesme (10-15 vjet) dhe afatgjata (mbi 50 vjet), ku shihet se në çdo interval kohor ka rënie të ndjeshme të popullsisë.
Faktorët që mendohet se do të shkaktojnë këtë rënie drastike lidhen me luftën dhe zhvendosjet e shumta të popullsisë në vende të tjera.
