Një aksident ka ndodhur pasditen e kësaj të mërkure në Durrës, ku një 21-vjeçar ka përplasur me makinë një 60-vjeçar. Ngjarja ka ndodhur në aksin rrugor Shijak-Xhafzotaj, dhe i plagosuri është dërguar në spital ndërsa shoferi i mjetit është shoqëruar në komisariat.
Njoftimi i policisë:
Durrës/Informacion paraprak
Më datë 16.06.2021, në orën 15:20, në aksin rrugor Shijak-Xhafzotaj, Durrës, shtetasi A. L., 21 vjeç, duke drejtuar mjetin tip “Audi”, ka aksidentuar këmbësorin shtetasin D. Gj., rreth 60 vjeç, banues në Shijak, i cili ndodhet nën kujdesin e mjekëve.
Drejtuesi i mjetit është shoqëruar në ambientet e Policisë për veprime të mëtejshme proceduriale.
Grupi hetimor ndodhet në vendngjarje dhe po punon për zbardhjen e rrethanave të aksidentit./albeu.com
