Ditën e sotme, ish-sekretari amerikan i Shtetit, Mike Pompeo, tha se Shtetet e Bashkuara, ka të ngjarë të vazhdojnë të ofrojnë mbështetje financiare dhe ushtarake për Ukrainën në luftën e saj kundër pushtimit rus, edhe nëse ish-presidenti republikan Donald Trump, kthehet në Shtëpinë e Bardhë.
Duke folur gjatë një vizite në Tokio, Pompeo tha se Uashingtoni nuk është tërhequr kurrë nga aleatët dhe partnerët e tij gjatë presidencës së Trump 2017-2021, pavarësisht pikëpamjeve se ish-shefi i tij do të shkurtonte ose ngrinte ndihmën për Kievin nëse rikthehej në pushtet.
Pompeo theksoi se anëtarët e Partisë Republikane, kanë shumë pikëpamje të ndryshme politike, por se ata gjithmonë e kanë kuptuar rolin e SHBA-së në botë dhe përgjegjësitë e saj.
