Ky sezon është mbyllur jashtë objektivave për Lacion, që nuk është ndihmuar aspak as nga blerjet e merkatos së shkuar. Ajo që ishte pika më e fortë e Igli Tares këtë sezon nuk ka funksionuar.
Drejtori sportiv shqiptar ka qenë në qendër të kritikave për afrimet jo të përshtatshme në skuadër, duke i kushtuar kështu bardhekaltërve edhe në aspektin financiar.
Pozitat e Tares kanë nisur të lëkunden për herë të parë pas 12 vitesh te Lacio.
Lotito nuk është i kënaqur me punën e këtij sezoni dhe sipas “Tuttosport” në mbledhjen e nesërme nuk do të diskutohet vetëm për të ardhmen e Inzagit, por edhe të 47-vjeçarit shqiptar.
Madje Lotito po mendon për “ndëshkimin“ e tij. Plani i presidentit të klubit kryeqytetas është ta largojë Taren nga projekti i skuadrës Primavera dhe të emërojë Biankezin përgjegjës për të. Një ide kjo që nuk është parë me sy të mirë nga ish-futbollisti i Kombëtares kuqezi.
