Më shumë se një duzinë vendesh, shumica e të cilave në Evropë, kanë pezulluar përdorimin e vaksinës së kompanisë “AstraZeneca”, nga frika se doza e saj mund të shkaktojë mpiksje të gjakut.
Suedia dhe Letonia u bënë të enjten vendet më të fundit që ndërprenë procesin, pas lëvizjeve të ngjashme të mara nga Gjermania, Italia, Spanja, Franca, Danimarka, Norvegjia, Holanda etj.
Të lidhura
None found
Por Organizata Botërore e Shëndetësisë ka përsëritur dhe shprehur vazhdimisht besimin se vaksina është e sigurt.
Vetë drejtori i përgjithshëm Tedros Adhanom Ghebreyesus ka deklaruar se deri tani nuk ka prova që lidhin produktin e “AstraZeneca” me rastet e vdekjeve.
Lexo po ashtu
Mbi 17 milionë persona kanë marrë vaksinën në fjalë në Mbretërinë e Bashkuar dhe në Bashkimin Evropian, me më pak se 40 raste mpiksje të gjakut të verifikuara javën e kaluar, raportoi kompania anglo-suedeze ditën e diel.
Autoritetet suedeze, që e ndërprenë vaksinimin këtë të martë, deklaruan se e bën atë për arsye kujdesi. Ndërsa qeveria letoneze tha se pezullimi do të zgjaste për dy javë./euronews
