Franck Ribery thotë se rezultatet e Topit të Artë 2013 janë të padrejta.
“Ishte e padrejtë. Ai sezon ishte i jashtëzakonshëm për mua dhe duhej të fitoja.
Dhe zgjatën periudhën e votimit dhe ndodhi diçka e çuditshme. Ndjeva se ishte një vendim politik”, tha Ribery, në një intervistë për La Gazzetta dello Sport.
Në vitin 2013, FIFA për herë të parë në histori vendosi të zgjasë periudhën e votimit për Topin e Artë nga 15 nëntori në 29 nëntor, ndërsa lejoi ata që votuan më herët të ndryshojnë mendje nëse dëshirojnë.
Si rezultat, Topi i Artë u mor nga sulmuesi Cristiano Ronaldo , i cili më pas luajti për Real Madridin dhe shënoi 27.99% të votave. Portugezi ishte përpara sulmuesit të Barcelonës, Lionel Messi (24.72%, vendi i dytë) dhe Ribery (23.36%, vendi i 3-të).
Ribery në sezonin 2012/13 fitoi trefishin me Bayernin, kampionatin dhe Kupën e Gjermanisë, si dhe Ligën e Kampionëve. Ronaldo nuk kishte asnjë trofe të madh atë sezon. /albeu.com/
