Shoqata e Gazetarëve në Brazil pritet të padisë presidentin, Zhair Bolsonaro, pasi hoqi maskën në një konferencë për media.
Një ditë më parë ai u konfirmua me Covid-19 dhe veprimi ky veprim mund të çojë në infektimin e reporterëve të pranishëm. Shoqata thotë se Bolsonaro nuk respektoi distancën e sigurisë dhe vuri në rrezik jetët e gazetarëve.
“Vendi nuk mund të tolerojë një sjellje të tillë që shkon përtej papërgjegjshmërisë dhe është një krim i qartë kundër shëndetit publik”, thekson Shoqata e Gazetarëve.
Reporteri i CNN në Brazil, Leandro Magalhae, i cili ishte i pranishëm në konferencë, është izoluar në shtëpi në pritje të testit për koronavirus. Ndërkohë, gjendja shëndetësore e presidentit Bolsonaro është e mirë dhe ai konfirmoi se po trajtohet me ilaçin kundër malarias, të rekomanduar nga homologu amerikan, Donald Trump.
