Samantha Power, administratore e Agjencisë Amerikane për Zhvillim Ndërkombëtar, tha se kostot e luftës në Ukrainë përfshijnë mungesat globale të ushqimit dhe plehrave, duke ndikuar në çmimet për konsumatorët dhe fermerët në mbarë botën. Abc News shkruan se sipas tha Power çmimet e ushqimeve janë rritur me 34%.
Të enjten, presidenti Joe Biden i kërkoi Kongresit të konsideronte furnizimin e Ukrainës me një paketë shtesë ndihme prej 33 miliardë dollarësh, me 3 miliardë dollarë të ndara për ndihmën humanitare dhe financimin e sigurisë ushqimore.
“Ne kemi shkuar në Kongres duke kërkuar një rritje të konsiderueshme të ndihmës humanitare…në mënyrë që të jemi në gjendje të plotësojmë këto nevoja. Por ne jemi gjithashtu aktivë, sigurisht, në më shumë se 80 vende anembanë botës… Ne po punojmë me fermerët për të rritur gjithashtu prodhimin e tyre, në mënyrë që të keni më shumë furnizim të sjellë në treg. Por ne vërtet kemi nevojë për këtë mbështetje financiare nga Kongresi për të qenë në gjendje të plotësojmë nevojat emergjente për ushqim. kështu që ne nuk shohim efektet vdekjeprurëse të luftës së Rusisë të shtrihen në Afrikë dhe më gjerë,” tha Power./albeu.com
