Kina respekton “sovranitetin dhe integritetin territorial të të gjitha vendeve”, tha në një deklaratë zëdhënësi i Ministrisë së Punëve të Jashtme Zhao Lijian, pak përpara nisjes së bisedës së Biden dhe Xi, shkruan CNN
“Kina do të respektojë gjithmonë sovranitetin dhe integritetin territorial të të gjitha vendeve, duke iu bindur qëllimeve dhe parimeve të Kartës së OKB-së, duke i kushtuar rëndësi shqetësimeve legjitime të sigurisë të të gjitha vendeve, duke mbështetur të gjitha përpjekjet që kontribuojnë në zgjidhjen paqësore të krizës dhe lehtësimin e krizës humanitare”, tha Zhao.
“Pozicioni i Kinës është i jashtëzakonshëm, i drejtë, objektiv dhe i padiskutueshëm.”
Që nga një takim në shkurt midis Xi dhe presidentit rus Vladimir Putin, Kina ka folur për “partneritetin e saj pa kufi” me Rusinë. Zyrtarët amerikanë besojnë se Rusia i ka kërkuar Kinës mbështetje ushtarake dhe ekonomike për luftën kundër Ukrainës dhe se Pekini ka treguar gatishmërinë e tij për të ndihmuar Moskën. Si Rusia ashtu edhe Kina i kanë mohuar akuzat.
SHBA-ja ka treguar se Kina do të paguante një çmim të lartë ekonomik nëse mbështetja e saj për Rusinë shkon përtej retorikës. Zhao tha se Ukraina ka nevojë për ushqim dhe jo armë, dhe dërgimi i ndihmës ushtarake nga SHBA në vend nuk do të sjellë paqe.
