Një i burgosur në Shqipëri rezulton i infektuar me koronavirus.
Mësohet se i infektuari është një shtetas italian, me emrin G. Di Cosimo.
I burgosuri i moshës 42-vjeçare, është arrestuar në vitin 2018 në Durrës, nën akuzën e trafikut të lëndëve narkotike.
Aktualisht ai po mbahet i karantinuar në një qeli më vete, nga të dënuarit e tjerë, për të shmangur përhapjen.
I burgosuri italian në testin e parë ka rezultuar negativ, por ka qenë testi i dytë ai që e ka nxjerrë pozitiv.
Aktualisht ai ndodhet në burgun “313”, në pritje për tu gjykuar, ku pritet ekstradimi i tij drejt shtetit fqinj.
42-vjeçari i cili u arrestua dy vite më parë nga forcat speciale RENEA, rezulton si pjesë e një organizate mafioze, ndërsa pasuria e tij në Shqipëri është vënë nën sekuestro, e dyshuar si produkt i aktivitetit kriminal.
