Të shtënat me armë vranë gjashtë persona dhe plagosën 30 të tjerë në një tubim në Bejrut të organizuar nga lëvizjet shiite Hezbollah dhe Amal të enjten për të kërkuar shkarkimin e hetuesit kryesor në shpërthimin e portit të vitit të kaluar.
Sipas mediave të huaja, Ministri i Brendshëm, Bassam Maëlaëi tha në një konferencë për shtyp se numri i të vdekurve ishte rritur në gjashtë. Ai tha se disa nga viktimat u qëlluan në kokë.
Vdekjet përfshijnë një grua 24-vjeçare e cila u godit në kokë nga një plumb qorr ndërsa ishte brenda në shtëpinë e saj, tha për AFP një mjek në spitalin Sahel në periferitë jugore të Bejrutit. Kryqi i Kuq Libanez tha se numri i të plagosurve ishte të paktën 30.
Kryeministri I vendit, Najib Mikati bëri thirrje për rivendosjen e qetësisë dhe paralajmëroi kundër përpjekjeve për të tërhequr Libanin në dhunë./albeu.com
