Gjatë takimit në Soçi të Rusisë, presidenti rus Vladimir Putin dhe ai turk Rexhep Taip Erdogan kanë pasur edhe një bisedë rreth antitrupave të vaksinave.
Një bisedë të tillë e ka nisur Erdogan teksa e ka pyetur Putinin se cili është niveli i antitrupave që ka.
“Rreth 15-16”, është përgjigjur Vladimir Putin.
Pas kësaj përgjigje Erdogan ka thënë se një nivel i tillë është shumë i ulët, teksa Putin është kundërpërgjigjur se kalkulimi i anti-trupave është bërë me metoda të ndryshme.
Madje ia ka propozuar Erdoganit që ta marrë një dozë të vaksinës Sputnik V.
Por kreu i shtetit turk ka refuzuar, duke thënë se është vaksinuar me Pfizer/BionTech.
“Epo mirë pra, herën tjetër”, ka thënë Putin./albeu.com
