Si të gjithë në këto ditë të vështira edhe Kledi Kadiu me familjen po qëndrojnë të “izoluar” në shtëpi.
Në një video në instagram Kledi u bëri thirrje shqiptarëve që të mos përsërisin gabimin e Italisë.
Ai theksoi rëndësinë e të qëndruarit në shtëpi si masë kyçe për të parandaluar koronavirusin.
“Gjithçka do të shkojë mirë edhe në Shqipëri ,izolohuni, ruani veten dhe të dashurit tuaj”, u shpreh Kledi.
Së fundmi, kryeministri i Italisë e shpalli vendin si zonë të kuqe dhe u mor masa “qëndroj në shtëpi” për dy javë. Ky veprim pritet të ulë numrin e të prekurve me koronavirus, i cili për momentin ka shkuar në mbi 10,100 raste.
